माधव नेपालका भाइ सरोजको अन्त्येष्टी भोलि गरिने

काठमाडौँ। हिजो शनिबार शंखमूलस्थित एक कफी शपको छैटौँ तलाबाट लडेर गम्भीर घाइते भएका नेकपा एकीकृत समाजवादी पार्टीका अध्यक्ष माधवकुमार नेपालका भाइ सरोजकुमार नेपालको उपचारका क्रममा निधन भएको छ।

निधन भएका नेकपा एकीकृत समाजवादीका केन्द्रीय सदस्यसमेत रहेका सरोजकुमारको भोलि सोमबार अन्त्येष्टी गरिने भएको छ।

एकीकृत समाजवादीका अध्यक्ष एवम् पूर्वप्रधानमन्त्री माधवकुमार नेपालका भाइ समेत रहेका स्वर्गीय सरोजको भोली २२ गते सोमबार अन्तिम श्रद्धाञ्जली एवम् अन्त्येष्टीको कार्यक्रम रहेको माधव नेपालको सचिवालयले जनाएको छ।

सचिवालयका अनुसार विदेशमा रहेका सरोजका छोरीहरू नेपाल फर्किएपछि मात्र अन्त्येष्टी हुने भएकाले भोलिका लागि तय गरिएको हो।