अब सरकारी कार्यालय सार्वजनिक बिदामा पनि खुल्ने

काठमाडौं । सरकारले महत्वपूर्ण सरकारी कार्यालय सार्वजनिक बिदाको दिन पनि खोल्ने निर्णय गरेको छ । आज बसेको मन्त्रिपरिषद् बैठकले अत्यावश्यक सरकारी कार्यालय शनिबार बाहेक सार्वजनिक बिदाको दिन पनि खोल्ने निर्णय भएको हो ।

बैठकले सार्वजनिक बिदाको दिन कार्यालय आउने कर्मचारीलाई थप सुबिधा दिने वा अन्य कुनै व्यवस्था गरेर भएपनि सार्वजनिक बिदाको दिन सरकारी कार्यालय खोल्ने निर्णय गरेको बताइएको छ । सरकारले महत्वपूर्ण कार्यालयको सूचीसमेत तयार गर्ने भएको छ ।

यस्तै, बैठकले संवैधानिक परिषद (काम, कर्तव्य अधिकार र कार्यविधि) सम्बन्धी ऐन, २०६६ लाई संशोधन गर्न बनेको विधेयक संसदमा दर्ता गर्न स्वीकृति प्रदान गरेको छ ।