गुराँसका तत्कालीन इञ्जिनियरसहित दुई जनाविरुद्ध भ्रष्टाचारको मुद्दा दायर

काठमाडौं। दैलेखको गुराँस गाउँपालिकाका तत्कालीन इञ्जिनियर सरोजकुमार दाहाल र तत्कालीन सवइञ्जिनियर नविनकुमार विसीविरुद्ध विशेष अदालतमा भ्रष्टाचारको मुद्दा परेको छ। अख्तियार दुरुपयोग अनुसन्धान आयोगले मुख्यमन्त्री रोजगार कार्यक्रम अन्तर्गत सडक निर्माण योजनाको रकम हिनामिना गरेको भन्दै उनीहरूविरुद्ध मुद्दा दायर गरेको हो ।

मुख्यमन्त्री रोजगार कार्यक्रम अन्तर्गत आर्थिक वर्ष २०७६/०७७ मा सो गाउँपालिका-६ स्थित निगालपानी रेग बगौरा सडक निर्माण योजनाको रकम उनीहरूले हिनामिना गरेको अख्तियारको आरोप छ। अख्तियारले उनीहरूमाथि भ्रष्टाचार निवारण ऐन, २०५९ को दफा १९ उपदफा (२) बमोजिमको सजाय मागदाबी गरेको छ ।