एजेन्सी। अर्ब डलरमा ट्विटर खरिद गरेका अर्थात् ट्वीटरका नयाँ मालिक एलन मस्कले फेरि अर्को नयाँ विषयलाई लिएर ध्यानाकर्षण गरेका छन् । मस्कले आफूलाई केही नराम्रो हुने वा शाब्दिक रूपमा गोली हान्ने खतरा बढेको बताएका छन् । ट्वीटर स्पेसमा दुई घन्टा लामो अडियो च्याटमा मस्कले भने, ‘साँच्चै भन्नुपर्दा मलाई केहि नराम्रो हुने खतरा, वा शाब्दिक रूपमा गोली हान्ने जोखिम धेरै महत्त्वपूर्ण छ । म पक्कै पनि खुला कार परेड गर्न गइरहेको छैन ।’
उनले अगाडि थपे, ‘कसैलाई मार्न गाह्रो छैन । त्यसैले आशा छ कि तिनीहरूले केही गर्दैनन र भाग्य मुस्कुराउँछ । मेरो सवालमा यो हुँदैन । त्यहाँ निश्चित रूपमा केही जोखिम छ ।’
उनले अनलाइन भुक्तानीको सुरुवात गरे, कार उद्योगमा ठूलो परिवर्तन ल्याए, अन्तरिक्षयात्रामा क्रान्तिकारी परिवर्तन ल्याए र मस्तिष्कदेखि सीधा कम्प्युटर चलाउने महŒवाकांक्षी योजनामा समेत परीक्षण गरे । प्रविधिमा पारंगत भएकै कारण उनी विश्वकै सबैभन्दा धनी उद्यमी भएका छन् । मस्कको टेस्ला कम्पनी विश्वको सबैभन्दा ठूलो कार कम्पनी हो ।
