प्रतिनिधि सभामा मुस्ताङबाट कांग्रेसका २९ वर्षीय योगेश बने पहिलो विजेता 

काठमाडौं । आइतबार सम्पन्न प्रतिनिधिसभा सदस्य निर्वाचनअन्तर्गत मुस्ताङबाट नेपाली कांग्रेसले पहिलो खाता खोलेको छ। सत्ता गठबन्धन दल नेपाली कांग्रेसका २९ वर्षीय उमेदवार योगेश गौचन थकाली प्रतिनिधिसभा निर्वाचन २०७९ को पहिलो विजेता बनेका हुन् । 

कांग्रेसका मुस्ताङ सभापति तथा पूर्वमन्त्री रोमी गौचन थकालीका छोरासमेत रहेका योगेशले नेकपा एमालेका उम्मेदवारलाई फराकिलो मतले पराजित गर्दै प्रतिनिधि सभाका उम्मेदवा विजयी भएका हुन्। थकालीले ३९९२ मत ल्याउँदा एमालेका प्रेमप्रसाद तुलाचनले ३०७८ मत ल्याएका छन् । गौचन ९१४ मतान्तरले विजयी भएका हुन् ।

मुस्ताङका पूर्वजिल्ला कार्यसमिति सचिव तथा हाल गण्डकी प्रदेश कार्यसमितिका कार्यसम्पादन समिति सदस्य योगेश युवा व्यवसायीसमेत हुन् ।