सुर्खेतका लागि उडेका प्रचण्ड खलंगामा ओर्लिए 

काठमाडौँ। आज कर्णालीका हिमाली जिल्लाका चुनावी सभालाई सम्बोधन गर्न सुर्खेत हिँडेका नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’  मौसम प्रतिकूलताका कारण सल्यान खलंगामा ओर्लिएका छन् । सुर्खेतमा बाक्लो हुस्सुुले ढाकेको कारण हेलिकोप्टरले अवतरण गर्न नसकेपछि सल्यान गएर अवतरण गरेको स्रोतले जनाएको छ। 

‘प्रचण्ड’ ले आज कर्णाली प्रदेशका तीन जिल्लाका चुनावी सभालाई सम्बोधन गर्ने कार्यक्रम छ । मौसम सुधार आएसंगै सल्यानमा अध्यक्ष प्रचण्ड केही समय बसेर खलंगाबाट हेलिमार्फत सुर्खेत प्रस्थान गरेको बताइन्छ । 

प्रचण्डले हुम्लाको सर्केगाड,जुम्लाको खलंगा, र कालिकोटका मान्मा बजारमा हुने चुनावी सभालाई सम्बोधन गर्ने जुम्लाका माओवादी नेता मनऋषि धितालले बताए ।