क्रिकेटर सन्दीप लामिछानेलाई जिल्ला अदालत काठमाण्डौमा उपस्थित गराइयो

काठमाण्डौ। एक नाबालिगमाथि जबरजस्ती करणी गरेको जाहेरीका आधारमा बिहीवार पक्राउ परेका क्रिकेटर सन्दीप लामिछानेलाई म्याद थपका लागि आज सोमबार जिल्ला अदालत काठमाण्डाैमा उपस्थित गराइएको छ ।

गत बिहीवार आत्मसमर्पण गरेका लामिछानेलाई आज पहिलो पटक अदालतमा उपस्थित गराइएको हो ।

लामिछाने पक्राउ परेपछि वडा दसैँका कारण लगातार सार्वजनिक बिदा परेकाले उनलाई अदालतमा उपस्थित गराइएको थिएन । 

गएको बिहीवार बिहान कतार एयरवेजको विमानबाट उत्रिएका लामिछानेलाई सो समयमा त्रिभुवन अन्तर्राष्ट्रिय विमानस्थलमा प्रहरीले पक्राउ गरेको थियो। 

गएको भदौ २१ गते सन्दीपविरुद्ध एक १७ वर्षीया किशोरीले बलात्कारको आरोप लगाएकी हुन् ।