काठमाडौँ । आज देशका अधिकांश स्थानमा पानी पर्ने सम्भावना रहेको छ । हाल प्रदेश १, सुदुरपश्चिम र गण्डकी प्रदेशका एक-दुई स्थानमा चट्याङ सहित हल्का वर्षा भइरहेको मौसम पूर्वानुमान महाशाखाले जनाएको छ ।
आज दिउँसो देशका पहाडी भूभागका केही स्थानहरूमा चट्याङ सहित हल्का देखि मध्यम वर्षा हुने अनुमान गरिएको छ । महाशाखाका अनुसार लुम्बिनी र सुदूरपश्चिम प्रदेशका एक-दुई स्थानमा भारी वर्षाको पनि सम्भावना रहेको छ।
राती गण्डकी र लुम्बिनी प्रदेशका केही र बाँकी प्रदेशका थोरै स्थानमा चट्याङ सहित हल्का देखि मध्यम वर्षा हुन सक्ने महाशाखाले बताएको छ । भारी वर्षासँगै पहाडी क्षेत्रमा पहिरो, गेग्रान बहावको जोखिम रहेको भन्दै महाशाखाले अवश्यक सतर्कता अपनाउन अनुरोध गरेको छ।
