एकीकृत समाजवादी र एमालेबिच एकता, रामकुमारी झाक्रीलाई ठूलो झड्का 

 काठमाडौँ । गुल्मीमा एकीकृत समाजवादी र एमालेबिच एकता भएको छ । 

एकीकृत समाजवादीको जिल्ला समिति नै नेकपा एमालेमा समाहित भएको छ । एकीकृत समाजवादीकाे जिल्ला समिति नै एमालेमा समाहित भएपछि एकता नाम दिइएकाे हाे। 

समाजवादी बाट एमालेमा समाहित हुन आएका नेता कार्यकर्तालाई सोमबार एमालेका महासचिव प्रदिप ज्ञवाली र सचिव गोकर्ण विष्टलगायत नेताले स्वागत गरेका थिए।

एकता घोषणा कार्यक्रममा एकीकृत समाजवादी गुल्मीका जिल्ला अध्यक्ष नरेश भण्डारी,जिल्ला ईन्चार्ज गणेश खनालसहित अधिकांश जिल्लास्तरका नेताहरू एमालेमा पुन: फर्किएका हुन्।

यसरी जिल्ला समिति नै नेकपा एमालेमा समाहित भएपछि गुल्मी बाटै निर्वाचन लड्ने तयारी सहित गृह जिल्ला पुगेकी पूर्व मन्त्री रामकुमारी झाक्रीलाई ठुलो झड्का लागेको छ । 

केहि समयअघि पार्टीले मन्त्री पदबाट फिर्ता बोलाएपछि झाक्री जिल्ला बाट नै निर्वाचन लड्ने तयारीमा रहेकी थिइन् तर पार्टी जिल्ला समिति नै एमालेमा प्रवेश गरेपछि झाक्रीलाई निर्वाचन लड्न चुनौति आइपरेको देखिन्छ ।