काठमाडौँ । नेपाल घरेलु टोली केन्याविरुद्धको पहिलो एकदिवसीय खेलमा ७ विकेटले विजयी भएको छ । नैरोवीस्थित जिमखाना क्रिकेट मैदानमा शुक्रबार केन्याले दिएको २१९ रनको लक्ष्य नेपालले ४७ ओभर २ बलमा तीन विकेट गुमाएर पूरा गर्दै जित हात पारेको हो ।
नेपालको जितमा आसिफ शेखले ११० रनको शतकीय पारी खेले । १२० बल खेलेका उनले १२ चौका र २ छक्का प्रहार गरे । त्यसतै अर्जुन साउदले ६१ रनको अर्धशतकीय पारी खेले । ९७ बल खेलेका उनले ४ चौका र १ छक्का प्रहार गरे ।
नेपालका लागि ज्ञानेन्द्र मल्लले २४, दीपेन्द्र सिंह ऐरीले अविजित १५ र रोहित कुमार पौड्यलले ३ रन जोडे । केन्याका भिसिल पटेल, रकिप पटेल र कोलिन्स ओबुयाले एक/एक विकेट लिए ।
यसअघि टस जितेर पहिले ब्याटिङ गरेको घरेलु टोलीले ४८।१ ओभरमा अलआउट हुँदै २१८ रनको योगफल खडा गरेको थियो । केन्याका लागि रकिप पटेल र कोलिन्स ओबुया अर्धशतकीय पारी खेले । पटेलले ६७ र ओबुयाले ६२ रनको योगदान गरे ।
त्यस्तै ईफ्रान करिमले ३१ बनाए । नेपालका लागि सोमपाल कामी र करण केसीले समान तीन/तीन विकेट लिए । त्यस्तै आदिल आलम र पवन सर्राफले समान एक/एक विकेट लिए । जितसँगै नेपालले ३ खेलको सिरिजमा १–० को अग्रता बनाएको छ । नेपालले केन्यासँग भोलि शनिबार दोस्रो खेल खेल्ने छ ।
