कपनबाट ब्राउनसुगरसहित एक पुरुष पक्राउ

काठमाडौँ। काठमाडौंको कपनबाट लागु औषध ब्राउन सुगरसहित एक जना पुरुषलाई प्रहरीले पक्राउ गरेको छ ।

काठमाडौं महानगरपालिका-६ कपन साततलेबाट एक जना ५० वर्षीय पुरुषलाई पक्राउ गरेको जिल्ला प्रहरी परिसर काठमाडौंका प्रहरी उपरीक्षक (एसपी) दिनेशराज मैनालीले जानकारी दिए।

पक्राउ पर्नेमा झापा बाह्रदशी गाउँपालिका-३ घर भई काठमाडौं-६ सरस्वतीनगर बस्ने देवीप्रसाद शिवाकोटी छन्। उनीबाट प्रहरीले १४ ग्राम ब्राउन सुगर बरामद गरेको छ। 

लागु औषध बिक्री-वितरण गरिरहेको भन्ने खबर पाएपछि प्रहरीको टोली खटिएर उनलाई नियन्त्रणमा लिएको हो।

उनीमाथि लागुऔषध नियन्त्रण ऐन, २०३३ को कसुर काठमाडौं जिल्ला अदालतबाट ६ दिन म्याद थप गरी अनुसन्धान अघि बढाएको छ।