टिचिङबाट भागेका कैदी लुबुमा समातिए

काठमाडौैँ। त्रिवि शिक्षण अस्पताल महाराजगञ्जबाट भागेका कैदी समातिएका छन् ।  हिजो टिचिङबाट भागेका उनलाई ललितपुर प्रहरीले आज लुबुमा पक्राउ गरेको हो । 

पक्राउ पर्नेमा रामेछाप पिल्पुङग गाउँपालिका, २ घर भएका ३१ वर्षीय भोला बुढाथोकी हुन् । पक्राउ परेका बुढाथोकी अनाश्रित गुल्म नख्खु ललितपुरको कारागारमा कैद भुक्ता गर्दै आएका छन् ।  

उनी फरार भएपछि प्रहरी उपरीक्षक देवेन्द्रबहादुर पालको संयोजकत्वमा ४ सदस्यीय छानबिन समिति गठन गरी अनुसन्धान थालिएको थियो । 

काठमाडौँ उपत्यका प्रहरी कार्यालयले कैदीबन्दी फरार रहेको भन्दै नख्खुका कार्यालय प्रमुखलाई जिम्मेवारीबाट हटाएको थियो । साथै, उनको सुरक्षामा खटिएका प्रहरी समेत निलम्बनमा परेका छन् ।