काठमाडौँ । शिक्षक सेवा आयोगले निम्न माध्यमिक तहको अनुमतिपत्रको परीक्षामा सहभागी हुँदा उत्तर पुस्तिकाको भिडियो बनाएर टिकटकमा राख्ने एक जना परीक्षार्थीको परीक्षा रद्द गरेको छ ।
आयोगले साउन २८ गते सञ्चालन गरेको उक्त परीक्षामा सुदूरपश्चिम प्रदेश अन्तरगत कैलालीको केन्द्र नम्बर ७११ त्रिभुवन माध्यमिक विद्यालय बोराडाँडी ‘ख’ केन्द्रका परीक्षार्थी विनोदकुमार बमको दरखास्त रद्द भएको हो ।
परीक्षाको मर्यादा विपरीत प्रश्नपत्र र उत्तरपुस्तिकाको भिडियो खिचेर सामाजिक सञ्जालमा राखेको भन्दै शिक्षक सेवा आयोग नियमावली २०५७ को नियम २६ को उपनियम ९१० अनुसार कसुर गरेकाले उनको अनुमतिपत्रको दरखास्त रद्द गरेको आयोगले बताएको छ ।
यसैगरी आयोगले सूचना जारी गर्दै परीक्षार्थी बमलाई सोही नियमावलीको नियम ४३ अनुसार आउँदो दुई वर्षसम्म आयोगबाट सञ्चालन गरिने अध्यापन अनुमतिपत्रको परीक्षा लगायत कुनै पनि प्रतिस्पर्धात्मक परीक्षामा सहभागी हुन नदिने बताएको छ ।
