प्रधानमन्त्री देउवाले गरे दुई सल्लाहकार नियुक्तिः एमसीसीको चर्को वकालत गर्ने सुवेदी पुरस्कृत

काठमाडौं । चुनाव घोषणा गरेकै दिन प्रधानमन्त्री शेरबहादुर देउवाले २ सल्लाहकार नियुक्त गरेका छन् । देउवाले परराष्ट्र  मामिला सल्लाहकारमा अअरुण कुमार सुवेदी र जलवायु परिवर्तन सम्बन्धी सल्लाहकारमा डा. माधव कार्कीलाई नियुक्त गरेका छन् ।

देउवाले प्रधानमन्त्री भएको एक बर्षपछि सल्लाहकार नियुक्ति गरेका हुन् ।  सुवेदी अर्थ राजनीतिक बिषयमा बिश्लेषण गर्ने सुवेदी जलस्रोतका जानकार हुन् । उनले एमसीसीका पक्षमा चर्को लबिङ गरेका थिए । यतिसम्म कि उनले एमसीसी बिरोधीलाई राष्ट्रद्रोहीको संज्ञा दिएका थिए र कारबाही गर्नुपर्ने माग गरेका थिए । उनलाई एमसीसीको चर्को वकालत गरेबापत सल्लाहकार बनाइएको चर्चा छ । 

कार्की प्राकृतिक स्रोत तथा जलवायु विशेषज्ञ नै हुन् । सहायक कृषि अधिकृतका रुपमा उनले छोटो समय सरकारी जागिर खाएका थिए । त्यसपछि कृषि आयोजना सेवा केन्द्रमा कृषि विशेषज्ञका रूपमा लामै समय काम गरेका थिए कार्कीले ।