काठमाडौं । नेपाली बजारमा आज शुक्रबार सुनचाँदीको मूल्यमा वृद्धि भएको छ । आज सुन तोलामा एक हजार रुपैयाँले बढेको छ भने चाँदी तोलामा १० रुपैयाँले बढेको नेपाल सुनचाँदी व्यवसायी महासंघले जनाएको छ ।
आज छापावाल सुन प्रतितोला ९४ हजार रुपैयाँ र तेजाबी सुन प्रतितोला ९३ हजार ५०० रुपैयाँ पुगेको छ ।
हिजो बिहीबार भने सुनको भाउमा गिरावट देखिएको थियो । हिजो सुन तोलामा एक हजार रुपैयाँले नै सस्तिएको थियो । सो दिन सुन प्रतितोला ९३ हजार रुपैयाँमा झरेको थियो ।
साताको अन्तिम कारोबार दिन, चाँदी तोलामा १० रुपैयाँले उकालो लागेको छ । महासंघको तथ्यांक अनुसार आज चाँदी प्रतितोला एक हजार १६५ रुपैयाँमा खरिदबिक्री हुँदैछ ।
अघिल्लो कारोबार दिन, चाँदीको मूल्य सस्तिएको थियो । त्यस दिन, चाँदी तोलामा १० रुपैयाँले घटेर प्रतितोला एक हजार १५५ रुपैयाँ तोकिएको थियो ।
