प्रतिनिधि सभाको बैठक बिहान ११ बजे बस्दै

काठमाडौं । प्रतिनिधि सभाको बैठक आज बिहान ११ बजे  बस्दैछ । संसद सचिवालयले जनाए अनुसार बैठक बिहान ११ बजे बस्ने छ।

 आज बस्ने प्रतिनिधि सभाको बैठकमा अर्थमन्त्री जनार्दन शर्माले आइतबार पेश गरेको आर्थिक वर्ष २०७९/०८० को राजश्व र व्ययको वार्षिक अनुमानमाथिको छलफलका क्रममा उठेका प्रश्नको जवाफ दिने कार्यक्रम छ ।

मंगलबारबाट बजेटमाथिको सैद्धान्तिक छलफल सुरु भएको थियो । उक्त छलफलमा सांसदहरुले बजेटमाथि आ–आफ्नो धारणा राखेका थिए ।
यस्तै, आज एमाले सांसद तथा एमाले संसदीय दलका मुख्य सचेतक विशाल भट्टराईले इन्धन तथा खाद्यान्नमा भएको मूल्यवृद्धि लगायत जरुरी सार्वजनिक महत्त्वको प्रस्ताव पेश गर्ने कार्यसूची छ ।

त्यसैगरि , राष्ट्रिय सभाको बैठक पनि आज बस्ने भएको छ । राष्ट्रिय सभाको  बैठक दिउँसो १ बजेका लागि बोलाइएको छ ।