पालुङटारमा रोकिएको मतगणना सुरु

 गोरखा । मतपेटिकामा लगाइएको शिलबन्दीको बिषयमा विवाद हुँदा बुधबार दिउँसोदेखि मतगणना स्थगित भएको पालुङटार नगरपालिकामा रोकिएको मतगणना पुनः सुरु भएको छ । 

मतगणना सुरु गर्न निर्वाचन आयोगले निर्देशन दिएपछि सुरु गरिएको निर्वाचन अधिकृत गोकर्णराज पन्तले बताए ।

‘सबै दलहरु सहमत हुनुभयो, तर जनता समाजवादी पार्टीका प्रतिनिधिले हस्ताक्षर गर्न मान्नुभएन,’ उनले भने, ‘अन्य दलका प्रतिनिधिहरुले सहमति जनाउनुभयो र सुरक्षाकर्मीको रोहवरमा समेत मतगणना सुरु गरेका हौं ।’

मतगणना रोकिएपछि निर्वाचन अधिकृतको कार्यालयलाई बुधवार पत्राचार गर्दै निर्वाचन आयोगले सुरक्षाको आवश्यक प्रबन्ध मिलाइ मतगणना कार्य प्रारम्भ गर्न निर्देशन दिएको थियो ।