मतान्तर बढाउँदै रेनु दाहाल, २ हजार मतको अग्रता

चितवन । भरतपुर महानगरपालिकाको प्रमुखमा रेनु दाहालले अग्रता बढाउँदै लगेकी छन् । गठबन्धनको तर्फबाट मेयरमा उम्मेदवारी दिएकी नेकपा माओवादीकी दाहालले एमालेका सुवेदीभन्दा २ हजारले अग्रता लिएकी छन् ।

अहिलेसम्म ३० हजार १ सय ५० मत गणना हुँदा दाहाल झण्डै दुई हजार बढी मतले अगाडि छन् ।

पछिल्लो अपडेट अनुसार दाहालले १ हजार ९९१ मतको अग्रता लिएकी छन् ।  उनले ११०४७ मत पाएकी छन् भने एमालेका विजय सुवेदीले ९०५६ मत ल्याएका छन् ।

कांग्रेसबाट बागी उम्मेदवार बनेका जगन्नाथ पौडेलले ४९४२ मत ल्याउका छन् । 

उपमेयरमा गठबन्धनबाट उम्मेदवार बनेका कांग्रेसका चित्रसेन अधिकारीले १३२०४ मत ल्याएका छन् भने एमालेले समर्थन गरेकी राप्रपाकी हिमला गुरूङले ७३५० मत पाएकी छन् ।