दोलखाको तामाकोशी गाउँपालिका अध्यक्षमामा नेकपा समाजवादीका प्रोणप्रताप केसी बिजयी

चरिकोट । दोलखाको तामाकोशी गाउँपालिकाको अध्यक्षमा नेकपा एकीकृत समाजवादीका प्रोणप्रताप केसी बिजयी भएका छन् । केसीले २ हजार ५ सयभन्दा बढी मतले एमालेका अभिषेक सुवेदीलाई पराजीत गर्दै बिजयी भएका हुन् । 

केसी एमालेमा अथक संघर्ष गरेका तर कहिल्यै अवसर नपाएका नेताका रुपमा दोलखामा चिनिन्छन् । २०७४ को स्थानीय निर्वाचनमा केसीकै कारण तामाकोशीमा एमालेले २ वटा बुथकब्जा हुँदा पनि निर्वाचन जितेको थियो ।

दोलखामा सत्ता गठबन्धनका तीन दल नेपाली कांग्रेस, माओवादी र नेकपा समाजवादीबीच चुनावी तालमेल भएको थियो । समाजवादीले २ वटा गाउँपालिका मेलुङ र तामाकोशीको अध्यक्ष पाएको थियो ।

मेलुङमा नेपाली कांग्रेसका जिल्ला सभापति बर्मा लामाले नै एमालेका हिरा थोकरलाई सहयोग गर्दा समाजवादीले जित निकाल्न सकेन । तर तामाकोशीमा गठबन्धन प्रभावकारी भएकाले केसीले गाउँपालिका अध्यक्षमा ठूलो मतान्तरले जितेका छन् ।

तामाकोशी गाउँपालिकाको उपाध्यक्षमा नेपाली कांग्रेसकी सृजना सुवेदी खड्काले जितेकी छन् ।