विराटनगर महानगरको प्रमुखमा नागेश कोइरालाको अग्रता कायमै

काठमाडौं । विराटनगर महानगरपालिकाको प्रमुखमा सत्ता गठबन्धनका साझा उम्मेदवार नेपाली कांग्रेसका नागेश कोइरालाले अग्रता कायमै राखेका छन्।

२० हजार ५१७ मत गणना हुँदा कोइरालाले ६ हजार ६०० मत प्राप्त गरेका छन्। नेकपा एमालेका सागरकुमार थापाले ४ हजार ८९१ मत प्राप्त गरेका छन्।

त्यहाँ स्वतन्त्र उम्मेदवार उमेश यादवले पनि २ हजार ८८ मत प्राप्त गरेका छन्। उपप्रमुखमा भने गठबन्धनका साझा उम्मेदवार भन्दा नेकपा एमालेकी उम्मेदवार शिल्पा कार्कीले अग्रता कायम राखेकी छन्।

उनले ५ हजार ५७७ मत प्राप्त गरेकी छन् भने गठबन्धनका उम्मेदवार अमरेन्द्रप्रसाद यादवले ३ हजार ७८९ मत ल्याएका छन्। विराटनगरमा कूल खसेको ८९ हजार ६१७ मतमध्ये अझै ६९ हजार १५४ मत गणना गर्न बाँकी रहेको छ।