हेटौंडा उपमहानगर, गठबन्धनकी मिना लामा र राप्रपाका सिंहबीच कडा टक्कर 

मकवानपुर । हेटौडा उपमहानगरपालिकामा प्रमुखमा गठबन्धनकी उम्मेदवार मिना लामाले अग्रता बढाउँदै लगेकी छन् । आइतबार बेलुकाबाट राप्रपाका दीपक सिंहले अग्रता हासिल गरेका थिए । सोमबार बिहानबाट लामाले अग्रता हासिल गरेकी छन् । लामाले १४५ मतले सिंहलाई पछि पारेकी छन् । हेटौंडामा गठबन्धन र राप्रपाबीच कडा टक्कर छ ।

हेटौंडा उपमहानगरमा १३२१५ मत गन्दा गठबन्धनकी लामाले ४०४५ मत प्राप्त गरेकी छन् । उनलाई राप्रपाका दीपक सिंहले ३९०० मतका साथ कडा टक्कर दिइरहेका छन् ।  एमालेका मेयरका उम्मेदवार अनन्त पौडेले ३४७२ मत प्राप्त गरेका छन् ।

उपमेयरमा गठबन्धनका राजेश बानियाँले‘ ५४९६ मत प्राप्त गरेका छन् । उनको मतान्तर एमालेका उपमेयरका उम्मेदवारको भन्दा १५०० ले बढी छ । एमालेकी उपमेयर उम्मेदवार सुमित्रा काफ्लेले ४००१ मत प्राप्त गरेकी छन् । उपमेयरमा राप्रपाकी इन्दिरा न्यौपानेले ९१६ मत पाएकी छन् ।