‘मि टु’ प्रश्नमा केशव स्थापितले जंगिदै भने- तपाईको थुतुनो ठिक छैन

काठमाडौं । काठमाडौं महानगरपालिकाका नेकपा एमालेका मेयर उम्मेदवार केशव स्थापितले आपत्तिजनक अभिव्यक्ति दिएका छन् ।

बिहिबार नेसनल कलेजले आयोजना गरेको ‘स्थानीय चुनावः युवाको आशा र जिज्ञासा’ कार्यक्रममा स्थापितले आपत्तिजनक अभिव्यक्ति दिएका हुन् ।

काठमाडौं महानगरका उम्मेदवारहरूलाई बोलाइएको उक्त अन्तरक्रिया कार्यक्रममा सहभागी भावना राउतले ‘मिटु’ अभियानका क्रममा उनीमाथि लागेको आरोपबारे जिज्ञासा राख्दा उनले जङ्गिदै आपत्तिजनक अभिव्यक्ति दिएका हुन् ।

कार्यक्रममा राउतले मीटू आरोपबारे प्रश्न सोध्दा स्थापितले ‘मलाई आरोप लगाइयो । आरोप लगाउनेसँग प्रमाण हुनु पर्छ’ स्थापितले विद्यार्थी प्रतिनै जंगिदै भने‘ यु आर नाइस लेडी तर तपाईको थुतुनो ठिक छैन ।’