पार्टीलाई प्रचण्डको आग्रह- एमसीसीलाई स्वीकार गरेर चुनाव केन्द्रीत होऔं

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टीलाई अमेरिकी सहयोगसम्बन्धी परियोजना एमसीसी अनुमोदन स्वीकार गरेर चुनाव केन्द्रीत हुन आग्रह गरेका छन् ।

अध्यक्ष प्रचण्डले जारी पार्टीको केन्द्रीय समितिको बैठकमा एमसीसी अनुमोदनलाई स्वीकार गरेर चुनाव केन्द्रीत आग्रह गरेका  हुन्  ।

आफूहरूले संशोधनविना एमसीसी अनुमोदन गर्न हुँदैन भन्दै आएको र त्यसका लागि व्याख्यात्मक घोषणाले सहयोग गरेकाले निर्णयमा पुगेको प्रचण्डले प्रष्टीकरण दिएका छन् ।

नेपालले के चाहन्छन भनेर १२ बुँदामा स्पष्ट कुरा राखेका कारण एमसीसी पारित गर्दा माओवादीले राख्दै आएको अडान फेरिएको नभई आवश्यकता अनुसार सही निर्णय र आवश्यक निर्णय भएको प्रचण्डले जिकिर सममेत गरे ।