गगन थापा भन्छन्- एमसिसीको विरोध गर्ने भए ओली, प्रचण्ड र नेपालविरूद्ध मुर्दावादकाे नारा लगाउनुपर्छ

काठमाडाैं । नेपाली कांग्रेसका सासंद गगन थापाले केपी शर्मा ओली, प्रचण्ड र माधवकुमार नेपालविरूद्ध नाराबाजी गर्नुपर्ने बताएका छन् । 

आइतबार बसेको प्रतिनिधि सभाको बैठकमा एमसिसी टेबल भएर छलफलका लागि प्रस्तुत हुनु  सकारात्मक भएको बताउँदै उनले यदि एमसिसीको विरोध गर्ने हो भने सुरूमा ओली, प्रचण्ड र नेपालविरूद्ध नाराबाजी गर्नुपर्ने बताएका हुन् । 

एमसिसीलाई तत्कालिन नेपाल कम्युनिष्ट पार्टीका अध्यक्ष ओली नेतृत्वको सरकारले संसदमा ल्याएको भन्दै उनले  तीनै नेताहरूविरूद्ध नाराबाजी गर्नुपर्ने बताएका हुन् । 

‘आज नेपाल सरकारले जुन प्रस्ताव टेबल गरेको छ। यो नेकपाको सरकार मन्त्रिपरिषद्ले पारित गरेको प्रस्ताव आज टेबल भएको हो। यो प्रस्ताव राष्ट्रघाती भन्ने हो भने सबैभन्दा पहिला भीम रावलले केपी शर्मा ओली राष्ट्रघाती र मुर्दावाद हो भनेर संसदभित्र नारा लगाउने हिम्मत गर्नुपर्छ,’ उनले अगाडि भने,‘ यो प्रस्ताव राष्ट्रघाती हो भनेर भन्ने हो भने, पुष्पकमल दाहाल र माधव नेपाल मुर्दावाद भनेर पार्टीकै सासंदहरूले नाराबाजी गर्नुपर्छ। त्यसपछि मात्रै उहाँहरूले यसका बारेमा कुरा राख्नुपर्छ।’