शशांक कोइराला भन्छन्- एमसीसी र गठबधन मध्ये रोज्नुपर्दा एमसीसी छान्नुपर्छ

काठमाडौं । नेपाली कांग्रेसका पूर्वमहामन्त्री शशांक कोइरालाले प्रधानमन्त्रीलले सत्ता गठबन्धन कि अमेरिकी सहयोग परियोजना एमसीसी एक रोज्नुपर्ने अवस्था आएको बताएका छन् ।

शुक्रबार संसद भवन परिसरमा सञ्चारकर्मीहरूसँग कुरा गर्दै कोइरालाले एमसीसी पास गर्दा सत्ता गठबन्धन टुट्न सक्ने बताउँदै यस्ताे अवस्था अाएकाे बताएका हुन् ।

‘एमसीसी पास गराउने कि सत्ता भन्ने विकल्प शेरबहादुरजीले रोज्नुपर्छ’ उनले अघि भने, ‘एमसीसी पास गरौं भने सत्ता गठबन्धन टुट्ने सम्भावना देख्छु, गठबन्धन राख्ने हो भने एमसीसी छोड्नुपर्‍यो । दुईमध्ये एक हुनसक्छ ।’

आफ्नो सल्लाह एमसीसी पास गरौं भन्ने रहेको उनले बताए । यत्रो ठूलो अनुदान हत्तपत्त कुनै देशले नदिने र यसको पछाडि अमेरिकाको कुनै स्वार्थ नभएको कोइरालाले बताए ।