माओवादी संसदीय दलको बैठक बस्दै, एमसीसीबारे धारणा के ?

काठमाडौं । सत्ता साझेदार दल नेकपा माओवादी केन्द्रले अमेरिकी सहयोग परियोजना (एमसीसी)बारे छलफल गर्न संसदीय दलको बैठक बोलाएको छ।

बैठक आज (बुधबार) विहान १० बजेका लागि बोलाइएको प्रमुख सचेतक देव गुरुङले जानकारी दिए ।

संसदीय दलको बैठकमा भएको निर्णयअनुसार कार्यव्यवस्था परामर्श समितिको बैठकमा पार्टीको धारणा राख्ने गुरुङले बताए । त्यसका लागि सभामुख अग्नि प्रसाद सापकोटाले साँढे ११ बजे प्रतिनिधिसभा कार्यव्यवस्था परामर्श समितिको बैठक डाकेका छन्।

त्यसपछि प्रतिनिधिसभाको बैठक दिउँसो १ बजे बस्दै छ।  बैठकमा एमसीसी टेबुल हुने बुझिएको छ ।

यसअघि मंगलबार दिउँसो बसेको सत्तारुढ दल नेपाली कांग्रेसले एमसीसी संसदमा पेश गर्न आग्रह समेत गरेको छ । उसले एमसीसीका पक्षमा उभिने निर्णय गरेको छ ।