मन्त्रिपरिषदको बैठक बस्दै, स्थानीय तह निर्वाचनको मिति घोषणा हुने

काठमाडौं । प्रधानमन्त्री शेरबहादुर देउवाले मन्त्रिपरिषदको बैठक बोलाएका हुन् । 

प्रधानमन्त्रीको सचिवालयका देउवाले आज दिउँसोका लागि मन्त्रिपरिषद बैठक बोलाएका हुन् । यद्यपि बैठकको समय भने तोकिएको छैन ।

बैठकले स्थानीय तह निर्वाचनको मिति तोक्ने बताइएको छ ।

गत मंगलबार प्रधानमन्त्री देउवासँगको परामर्शमा निर्वाचन आयोगका पदाधिकारीले जेठ चार गते स्थानीय तह निर्वाचनको मिति प्रस्ताव गरेका थिए ।

यस्तै, स्थानीय तह निर्वाचन मिति घोषणा गर्ने प्रस्ताव आज गृहमन्त्रीमार्फत् मन्त्रिपरिषद्मा पेश हुने विश्वास गरिएको छ । त्यसपछि मन्त्रिपरिषद्ले प्रस्तावमा छलफल गरी निर्वाचनको मिति घोषणा गर्ने छ ।

मन्त्रिपरिषदको बैठक हरेक सोमबार र बिहीबार बस्दै आएको छ ।