कांग्रेस केन्द्रीय समिति बैठक आज, यी हुन् एजेण्डा [सूची]

काठमाडौ । नेपाली कांग्रेसको केन्द्रीय कार्यसमितिको बैठक आज (शुक्रबार) बस्दै छ ।

बिहीबार मुख्यसचिव कृष्णप्रसाद पौडेलले एक सूचना जारी गर्दै बैठक दिउँसो ३ बजेका लागि बस्ने जनाएका  थिए । बैठक भर्चुअल माध्यमबाट बस्ने जनाइएको छ ।

यसअघि कांग्रेसको संस्थापनइतर पक्षका नेताहरूले पार्टीभित्र छलफल नै नगरी सभापति एवं प्रधानमन्त्री शेरबहादुर देउवाले सत्ता गठबन्धनसँग छलफल गरिरहेको भन्दै असन्तुष्टि जनाएको थियो । यहीबीच कांग्रेसले केन्द्रीय समिति बैठक बोलाएको हो ।

बैठकमा सभापति शेरबहादुर देउवाले वरिष्ठताका आधारमा कार्यसम्पादन समितिमा नेताहरूको नाम प्रस्ताव गर्ने तयारी गरेका छन् । कार्यसम्पादन समितिमा पार्टीका पदाधिकारी पदेन सदस्य रहने व्यवस्था छ।