काँग्रेस प्रदेश दुईको सभापतिमा देउवा पक्षका यादव निर्वाचित

जनकपुरधाम । नेपाली काँग्रेस प्रदेश २ को प्रथम अधिवेशनबाट रामकृष्ण यादव निर्वाचित भएका छन् । 

कांग्रेस निर्वाचन समितिका अनुसार निर्वाचित कृष्णले १ सय ४१ मतान्तरले अर्का प्रत्यासी रामसरोज यादवलाई पराजित गरेका हुन् । कृष्णले ९ सय ९६ मत पाउँदा रामसरोजले ८ सय ५५ मत पाए ।

यद्यपि यसको औपचारिक घोषणा हुन भने बाँकी नै छ । 

निर्वाचित कृष्ण पार्टी सभापति शेरबहादुर देउवा निकट मानिन्छन्। भने काँग्रेस प्रदेश २ का संसदीय दलका नेतासमेत रहेका रामसरोजलाई नेता विमलेन्द्र निधि र शेखर कोइराला समूहको साथ थियो ।

१ हजार ९३८ मतदाता मध्ये १ हजार ८८१ मत खसेको थियो भने बदर मत संख्या ३० रहेको प्रदेश निर्वाचन समितिले जनाएको छ । अन्य पदाधिकारीको मतगणना हुँदैछ ।