फेसबुकको नाम परिवर्तन: नयाँ नाम ‘मेटा’ राखियो

एजेन्सी । सामाजिक सञ्जाल फेसबुकले आफ्नो ब्रान्डिङमा ठूलो परिवर्तन गर्दै कर्पोरेट नाम ‘मेटा’ राखेको जनाएको छ ।

बिहीबार फेसबुकका सिइओ मार्क जुकरबर्गले कम्पनीको कनेक्ट इभेन्टमा नाम परिवार्तनको घोषणा गरेका हुन् ।

कम्पनीले नयाँ नामले आफूले गर्ने कामको राम्रो वर्णन गर्ने जुकरबर्गको भनाइ छ ।

उनले फेसबुक नामले मात्र कम्पनीका सबै कामबारे वर्णन नगर्ने भएकाले नाम परिवर्तन गरिएको जानकारी दिए। 

यससँगै कम्पनीले सामाजिक सञ्जालबाहेक भर्चुअल रियालिटी जस्ता क्षेत्रमा आफ्नो कामको दायरा बढाउने भएको छ ।

फेसबुकले हालै ‘मेटाभर्स’ विकास गर्न युरोपमा १०,००० जनालाई भर्ती गर्ने घोषणा गरेको थियो ।