आज अक्टोबर २७ । प्रस्तुत छ विश्व इतिहासमा आज भएका केही महत्वपूर्ण घटनाः
आर्मेनियाको संसदमा गोली हानाहान
सन् १९९९ मा आर्मेनियाको संसदमा सशस्त्र समूहले चलाएको गोली लागेर प्रधानमन्त्री र सभामुखसहित आठ जनाको मृत्यु भएको थियो । आक्रमणलगत्तै त्यहाँको सेनाले संसदलाई घेरा हालेर आक्रमणकारीलाई नियन्त्रणमा लिएको थियो ।
सोभियत युनियनबाट तुर्केमेनिस्तान स्वतन्त्र
मध्यएशियाली देश तुर्केमेनिस्तान सन् १९२५ देखि सोभियत संघको अधिनमा थियो । सन् १९९१ मा तुर्केमेनिस्तानले स्वतन्त्र भएको घोषणा गरेको थियो ।
न्युयोर्क सिटी सबवे सञ्चालन सुरु
सन् १९०२ मा अमेरिकाको सबैभन्दा पुरानो भूमिगत मार्गको ट्रान्जिट सिस्टमको निर्माण सुरु भएको थियो । यसको सञ्चालन आजकै दिनबाट भएको थियो । यो मार्ग विश्वकै सबैभन्दा पुरानो र सर्वाधिक प्रयोग गरिएको ट्रान्जिट सिस्टम मानिन्छ ।
फिलाडेल्फिया सहर स्थापना
सन् १६८२ मा फिलाडेल्फिया सहर स्थापना भएको थियो । यस एतिहासिक सहरको स्थापना ब्रिटिश व्यवसायी विलियम पेनले गरेका थिए । बेलायतका राजा चाल्स द्धितीयले पेनका बाबुलाई ठूलो रकम तिर्न बाँकी थियो । रकमको सट्टा चाल्सले पेनका छोरालाई जग्गा नै दिएका थिए । यो सहर युनेस्कोको विश्व सम्पदा सूचीमा सुचिकृत छ ।
