कपिलवस्तु, २० जेठ । कपिलवस्तुमा थप १७ जना कोरोना संक्रमण पुष्टि भएको छ । योसँगै त्यहाँ संक्रमितको संख्या ३ सय ३४ पुगेको छ।
जिल्ला स्वास्थ्य कार्यालय कपिलवस्तुका अनुसार मंगलबार शिवराज नगरपालिकाका मात्र १५ जना संक्रमित थपिएका छन्। जसअनुसार वडा नम्बर ३ का ३ जना, वडा नम्बर ४ का २ जना, वडा नम्बर ५ का ४ जना छन्।
त्यसैगरी, वडा नम्बर ६, ८ र १० का १ र १ जना तथा वडा नम्बर ११ का ३ जना रहेका छन्। उनीहरूमध्ये तीन जना महिला छन् भने १२ जना पुरूष छन्।
त्यस्तै, वाणगंगा नगरपालिका वडा नम्बर ४ का एक पुरूष र महाराजगञ्ज नगरपालिका वडा १० का एक महिलामा कोरोना संक्रमण पुष्टि भएको कपिलवस्तुका कोरोना फोकल पर्सन कुमार थापाले जानकारी दिए।
संक्रमित सबै १७ देखि ४२ वर्ष उमेर समूहका छन्।
