प्रतिनिधिसभाको बैठक बस्दै, एमालेको अवरोध कायमै रहने

काठमाडौं । प्रतिनिधिसभाको बैठक आज बस्दै छ । बानेश्वरस्थित संसद भवनमा दिउँसो १ बजेका लागि बैठक तय भएको संसद सचिवालयले जनाएको छ।

सचिवालयका अनुसार आजको बैठकमा प्रधानमन्त्री शेरबहादुर देउवाले ‘राष्ट्रिय दलित आयोगको वार्षिक प्रगति प्रतिवेदन, २०७६÷७७’ पेस गर्ने कार्यसूची रहेको छ।

नवौं अधिवेशनको पहिलो बैठकदेखि नै संसद वैठकमा अवरोध गर्दै आएको प्रमुख प्रतिपक्षी दल नेकपा एमालेका सांसदहरुले यसअघिका सबै बैठकमा नाराबाजी गरेका थिए। यद्यपि आजको बैठकमा पनि उनीहरुले नाराबाजी र अवरोध गर्ने बुझिएको छ। 

सभामुख अग्निप्रसाद सापकोटाले एमालेले कारबाही गरेका १४ सांसद् पदमुक्त गरेको सूचना टाँस नगर्दासम्म संसद्को अवरोध जारी रहने एमालेले जनाएको छ।