माओवादी र एकीकृत समाजवादीले नाम दिने बितिक्कै सरकारले पूर्णता पाउँछ : देउवा

काठमाडाैं । प्रधानमन्त्री शेरबहादुर देउवाले सत्ता साझेदार दलहरुले नाम पठाउने बितिक्कै मन्त्रिपरिषद विस्तार हुने बताएका छन् ।

आज (मंगलबार) नेपाली कांग्रेस संसदीय दलको बैठकमा सांसदहरुले सोधेको प्रश्नको जवाफ दिँदै देउवाले नेकपा माओवादी केन्द्र र एकीकृत समाजवादीले नाम दिएपछि मन्त्रिपरिषद विस्तार गर्ने जानकारी गराएका हुन् ।

‘एमाले (हालको एकीकृत समाजवादी), माओवादी मिलेर सरकार बनेको सबैलाई थाहा छ । उनीहरुसँग सल्लाह गर्नुपर्छ । उनीहरुले नाम पठाएपछि सरकारले पूर्णता पाउँछ’, देउवाले बैठकमा भने ।

गत असार ३२ गते प्रधानमन्त्री नियुक्त भएका शेरबहादुर देउवाको मन्त्रिपरिषद हालसम्म ६ सदस्यीय मात्र छ ।