बाबुराम भट्टराईले भने – अमेरिकासँग चिठी आदानप्रदान गरी एमसीसी कार्यान्वयन गरौँ

काठमाडौं  । पूर्वप्रधानमन्त्री डा. बाबुराम भट्टराईले अमेरिकी मिलेनियम च्यालेन्ज कर्पोरेसन (एमसीसी) पास गराउन आह्वान गरेका छन् ।

पछिल्लो समय एमसीसी पारित गर्न खोजेको भन्दै शेरबहादुर देउवा नेतृत्वको सरकारको आलोचना भइरहेको बेला भट्टराईले आइतबार राती सामाजिक सञ्जालमा एक स्टाटस लेख्दै एमसीसीबारे आफ्नो धारणा सार्वजनिक गरेका हुन् ।

एमसीसीमा राष्ट्रिय सहमति गर्नुपर्ने बताउदै उनले अमेरिकासँग चिठी आदानप्रदान सहित कार्यान्वयन आह्वान गरेका छन् ।

उनले लेखेका छन् – ‘यसमा राष्ट्रिय सहमति गरौँ : उच्चस्तरीय राजनीतिक कूटनीतिक वार्तामार्फत भारतसँगका सबै विवाद हल गरी असल छिमेकी बनौं, चीनसँगका, पारवहनलगायत सम्झौता कार्यान्वयन गरौँ, अमेरिकीसँग चिठी आदानप्रदानसहित एमसिसी कार्यान्वयन गरौं !  युवा देशमा बसे र समृद्धि भए नै राष्ट्रियता बच्रेछ भन्ने बुझौँ। ’

यसमा राष्ट्रिय सहमति गरौं:१.उच्चस्तरीय राजनीतिक/कुटनीतिक वार्तामार्फत भारतसंगका सबै विवाद हल गरी असल छिमेकी बनौं;२.चीनसंगकाBRI,पारवहन लगायत सम्झौता कार्यान्वयन गरौं;३.अमेरिकासंग चिठी आदानप्रदान सहितMCCकार्यान्वयन गरौं!युवा देशमा बसे र समृद्धि भए नै राष्ट्रियता बच्नेछ भन्ने बुझौं!

— Baburam Bhattarai (@brb1954) September 5, 2021