धनुषा । धनुषामा एक युवकले आफ्नै बुवा र श्रीमतीको हत्या गरि शव खाल्डोमा गाडेको पाइएकाे छ ।
मिथिला विहारी नगरपालिका वडा नम्बर ५ ललियाका भागेश्वर मण्डललाले आफ्ना बुवा ५५ वर्षीय रामवृक्ष मण्डल र श्रीमती ३५ वर्षीया अमरिकादेवी मण्डलको हत्या गरि खाल्डोमा गाडेको प्रहरीले जनाएको छ ।
धनुषाका एसपी प्रकाश रानाभाटका अनुसार विवाद हुँदा गए राति मारेर बारीको झाडीमा खाल्डो खनेर गाडेको भन्दै भागेश्वरले स्वीकार गरेका छन् ।
प्रहरीका अनुसार लामो समयदेखि बुवा र श्रीमतीबीच अनैतिक समबन्ध भएकाे भन्दै भागेश्वरले बुवार श्रीमतीको हत्या गरेकाे बयान दिएका छन् ।
प्रहरीले घटनास्थलमा पुगेर शव उत्खनन सुरु गरेको छ ।
दुबै जनाको हत्या गरेर शव गाडेको भन्दै आज बिहानै स्थानीयले प्रहरीलाई खबर गरेपछि घटना बाहिरिएको हो । घटनाबारे विस्तृत अनुसन्धान भइरहेको प्रहरीले जनाएको छ।
