कार्यालय सहयोगी नै एयरपोर्ट भन्सारको तस्करीमा, अख्तियारले दायर मुद्दा गर्यो

काठमाडौं, २१ फागुन । त्रिभुवन विमानस्थल भन्सार कार्यालयमा कार्यरत कार्यालय सहयोगी डोमा शेर्पाले विमानस्थलस्थित प्रमुख भन्सार अधिकृतको कार्यकक्षमा सुन तस्करीमा संलग्न भियतनामी र कम्बोडियन नागरिकसँग सांकेतिक संवाद गरी सुन फाल्न लगाउने कार्यमा संलग्न भएको उजुरीपछि अख्तियारले बुधबार विशेष अदालतमा मुद्दा दायर गरेको छ । 

कार्यालय सहयोगी शेर्पाले २०७६ बैशाख ८ गते थाई एयरवेजबाट नेपाल आएका भियतनामी नागरिक एज्ब्ल्त्ज्क्ष् ीइब्ल् त्ज्ब्इ  र कम्बोडियन नागरिक त्ज्भ्ब्च्क्ष् ग्थ् ले अवैध रुपमा ल्याएको सुन फाल्नको लागि सांकेतिक संवाद गरी निजहरुले आफ्नो साथमा रहेको सुन उपसचिव कर्ण तिमिल्सिनाको कर्यकक्षमा रहेको सोफा पछाडि फालेको अवस्थामा १६८५ ग्राम बरामद भएको थियो ।

विदेशी नागरिहरुउपर कानूनी कारवाही चलेको देखिंदा खानतलासी कार्यमा खटिएकी कार्यालय सहयोगी डोमा शेर्पाले सुन लुकाउन लगाई गैरकानूनी रुपमा राजस्व चुहावट गर्न मद्दत गरेको देखिएकोले उक्त कार्य भ्रष्टाचार निवारण ऐन, २०५९ को दफा ७ को कसुर भएकोले बिगो ७ लाख सात हजार ७ हजार रुपैयाँ कायम गरी निजलाई भ्रष्टाचार निवारण ऐन, २०५९ को दफा ७ मा उल्लेख भएबमोजिम भ्रष्टाचार निवारण ऐन, २०५९ को दफा ३ को उपदफा ९१० बमोजिम कैद सजाय गरी सोही ऐनको दफा ७ बमोजिम बिगोको दोब्बर जरिवाना हुन मागदाबी लिई आज विशेष अदालत, काठमाडौंमा आरोपपत्र दायर गरिएको छ ।