काठमाडौं । स्वास्थ्य तथा खाद्य स्वच्छता मन्त्री निशा मेहता मन्त्रालयको जिम्मेवारी पाएदेखि रातदिन नभनी स्वास्थ्य क्षेत्रको सुधारका लागि उच्च मनोबलका साथ लागेको देखिन्छ । उनी स्वास्थ्यका बिज्ञहरु, अनुभवी चिकित्सक र लामो अनुभव भएका कर्मचारीहरुसँग परामर्श गरी प्रधानमन्त्रीको निर्देशन, सुझाव लिंदै राम्रो काम गर्न तल्लीन भएर लागेको देखिन्छ ।
मन्त्री मेहताले भोटेकोशी बाढीको बितण्डा लगत्तै स्थलगत अनुगमन, निर्देशन र स्वास्थ्यकर्मी परिचालनमा कमी हुन दिइनन् । सुनसरीको कप्तानगञ्जको घटनामा गृहमन्त्री सुधन गुरुङसँग काँधमा काँध मिलाएर मधेशमा खटिइन् । अस्पतालहरुको कमीकमजोरी र गुनासो आउँदा तत्काल संवेदनशील भएर समाधानमा लाग्दैआएकी छन् ।
स्वास्थ्य मन्त्री मेहता स्वास्थ्य क्षेत्र सुधारमा लागे पनि उनका श्रीमान डा. सरोज सिंहका कारण सुशासन कायम गर्ने सवालमा भने उनी चुक्दै गएका धेरै दृष्टान्तहरु पाउन सकिन्छ । उनले गरेका राम्रा काम पनि डा. सरोजका कारण ओझेलमा परेका छन् । डा. सिंहको भूमिकाका कारण मन्त्री विवादमा पर्दैगएकी छन् ।
ब्यवस्थापन महाशाखाका निर्देशक डा. वीरेन्द्र मण्डल, स्वास्थ्य सेवा बिभागका निमित्त डीजी डा. पौडेल र गुणस्तर महाशाखाका प्रमुख डा. रोशन न्यौपानेलाई डा. सरोज सिंहको सेटिङमा सरुवा गरिएको आरोप मन्त्री मेहतामाथि लाग्ने गरेको छ ।
भोटेकोशीको बाढी गएको समयमा राम्रो काम गरिरहेका स्वास्थ्य सेवा बिभागका निमित्त महानिर्देशक डा. अनुज भट्टचनलाई पुरस्कृत गर्नुपर्नेमा उल्टै डा. सरोज सिंहको सल्लाहमा मन्त्री मेहताले जिम्मेवारीबाटै हटाइन् । र, डा. सरोज सिंहले आफू कार्यरत प्रहरी अस्पतालको डाक्टर साथीका श्रीमान डा. कृष्णप्रसाद पौडेललाई मन्त्री मेहतालाई दबाब दिएरै महानिर्देशक बनाउन सफल भए । राम्रो काम गर्दागर्दै डा. भट्टचन दण्डित जस्तै भए ।
सरोज सिंह प्रहरी अस्पतालमा एसपी दर्जाका दन्तरोगका डाक्टर हुन् । उनी जागिरका अधिकांश समय प्रहरी अस्पताल इनरुवामा कार्यरत थिए । तर मेहता मन्त्री भएपछि प्रहरी अस्पताल महाराजगंजमा काजमा आएका हुन् । मेहता मन्त्री भएपछि उनले सबैभन्दा पहिला त औषधिदेखि उपकरण खरिद गर्ने ब्यवस्थापन महाशाखाको प्रमुखमा समूह नै नमिले पनि डा. वीरेन्द्र मण्डललाई प्रमुखमा ल्याउन सफल भए । मण्डल डा. सरोज सिंहका क्लासमेट हुन् ।
ब्यवस्थापन महाशाखाको निर्देशकमा पब्लिक हेल्थ समूहको हुनुपर्नेमा मन्त्री मेहताले श्रीमानकै दबाबमा फरेन्सिक समूहका डा. मण्डललाई प्रमुख बनाइन् । डा. मण्डलकै सेटिङमा डा. सरोज सिंहको सल्लाह अनुसार पौडेललाई महानिर्देशक बनाइएपछि आज आधारभूत अस्पतालको खरिद प्रक्रिया विवादमा परेको छ । श्रीमानको नियुक्तिदेखि सरुवा र ठेक्कामा हुँदैआएको चर्को हस्तक्षेपका कारण मन्त्री मेहता असफल हुने निश्चित देखिएको स्वास्थ्य मन्त्रालयकै अधिकारी बताउँछन् ।
काठमाडौंको शंखमूलमा रहेको आरम्भ होटलमा डा. सरोज सिंहले केही सप्लायर्ससँग मिटिङ राखी उनीहरुकै सेटिङमा डा. पौडेललाई डीजी बनाइएको स्रोतको दाबी छ । स्रोतका अनुसार डा. सिंहलाई सप्लायर्ससँग जोड्ने कामको संयोजन मन्त्रीकै सचिवालयकी एक महिला कर्मचारीले गरेकी हुन् ।
त्यस्तै स्वास्थ्य मन्त्रालयको गुणस्तर महाशाखाको निर्देशक डा. रोशन न्यौपाने पनि मन्त्री मेहताका श्रीमानकै कारण उक्त जिम्मेवारीमा आएको खुलेको छ । न्यौपानेकी श्रीमती समेत डा. सरोज सिंह कार्यरत प्रहरी अस्पतालमै कार्यरत छन् । न्यौपानेको कार्यक्षमता कमजोर भएकाले राम्रो परिणाम दिन नसकेको आरोप छ ।
काठमाडौं । पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताल पोखराको चमेना गृह ठेक्का प्रक्रियामा अनियमितता भएको खुलेको छ । प्रतिष्ठानको क्यान्टिन सुनिल क्यान्टिन तथा...
काठमाडौं । सामाखुसीस्थित सिटी स्क्वायर मलका संचालक रोशन भन्ने गुप्तलाल भूसालबिरुद्ध सम्पत्ति शुद्धीकरण अनुसन्धान बिभागले पक्राउ पूर्जी जारी गरेको छ । बिभागले असोज अन्तिम साता...
काठमाडौं । राष्ट्रिय स्वतन्त्र पार्टी (रास्वपा) का सांसद गणेश कार्कीले जलवायु परिवर्तनसम्बन्धी संयुक्त राष्ट्रसंघीय सम्मेलन (कोप) मा सहभागी हुन जानेहरूले सरकारी खर्चमा गएको हो...
काठमाडौं । एनआईसी एशिया बैंक संकटतर्फ उन्मुख भएको समाचार नेपालफेस डटकमले २०८३ असोज ४ मा प्रकाशित गरेको थियो । जुन समाचारको बैंकले खण्डन गर्ने...
काठमाडौं । चिकित्सा विज्ञान राष्ट्रिय प्रतिष्ठान वीर अस्पतालका उपकुलपति(भीसी) डा. विवेक आचार्य बालेन सरकारको सुशासन नीतिबिपरीत अस्पताल डुवाएर कमाउधन्दामा लागेको भन्दै अख्तियार दुरुपयोग अनुसन्धान...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend