बाढी प्रभावितका लागि विराटनगर महानगरको एक करोड एक हजार सहयोग

काठमाडौँ । विराटनगर महानगरपालिकाले प्रधानमन्त्री दैवी प्रकोप उद्धार कोषमा एक करोड एक हजार रुपैयाँ जम्मा गरेको छ। महानगरपालिकाका प्रमुख प्रशासकीय अधिकृत विजयकुमार शर्माले अर्थमन्त्री डा। स्वर्णिम वाग्लेलाई उक्त रकम हस्तान्तरण गरेका हुन्।

पछिल्लो विपदबाट प्रभावित नागरिकको उद्धार, राहत तथा पुनर्स्थापनामा सहयोग पुर्‍याउने उद्देश्यले महानगरपालिकाले कोषमा उक्त रकम उपलब्ध गराएको हो।

विपद्को सामना तथा प्रभावित नागरिकलाई राहत उपलब्ध गराउने सरकारी प्रयासमा सहयोग पुर्‍याउन विभिन्न स्थानीय तह, संघसंस्था तथा निकायबाट कोषमा रकम उपलब्ध गराउने क्रम जारी छ।

सोही क्रममा विराटनगर महानगरपालिकाले एक करोड एक हजार रुपैयाँ प्रधानमन्त्री दैवी प्रकोप उद्धार कोषमा जम्मा गरेको हो।