बाढी प्रभावित ३ जिल्लामा सशस्त्र प्रहरी बल नेपालका १२ वटा अस्थायी बेस स्थापना

काठमाडौं । सशस्त्र प्रहरी बल नेपालले बाढी प्रभाबित ३ जिल्लामा १२ वटा अस्थायी बेश स्थापना गरेको छ ।

धादिङमा २ , नुवाकोटमा ६ र रसुवामा ४ वटा बेश स्थापना भएका हुन् । जस अन्तर्गत धादिङको मलेखु र गल्छी , नुवाकोटको देबिघाट, कोलोनी ,रातमाटे,तारकेश्वर, बेत्रावाती र तारुका तथा रसुवाको त्रिशुली हाइड्रो ३ ए , त्रिशुली हाइड्रो ३ बी , स्याफ्रुबेसी र बोगटिटारमा गरि १२ वटा बेश स्थापना भएको हो ।

उद्दार कार्यलाइ थप प्रभावकारी बनाउन स्थापना भएका बेशमध्ये धादिङको मलेखु र नुवाकोटको तालकेश्वरमा मेडिकल टोली समेत रहेको छ ।

ती बेशहरुमा १५ देखि ३५ जना सम्मको संख्यामा उद्दार टोली खटाइएको छ भने बिशेष तालिमप्राप्त उद्दारकसमेत रहेका छन् ।

ती बेसमा कोल्याप्स स्ट्रक्चर सर्च एन्ड रेस्क्यु (सीएसएसआर), मेडिकल फस्ट रेस्पोन्डर(एमएफआर), पढ डग स्वार्ड , ड्रोन, रोप रेस्क्यु डेड बडी म्यानेजमेन्ट, गोताखोर, स्विफ्ट वाटर रेस्क्यु टिम, मास क्याजुअल्टी भेकल (एमसिभी) सहितका बिशेष टोली परिचालन गरिएको छ ।