काठमाडौं, २० बैशाख । नेपाको सचिवालयमा प्रधानमन्त्री केपी शर्मा ओलीको पक्षमा बहुमत देखिएको छ । उपाध्यक्ष बामदेव गौतम, रामबहादुर थापा बादल र बिष्णु पौडेल ओलीलाई अहिलेको अवस्थामा प्रधानमन्त्री र अध्यक्षबाट हटाउनु नहुने पक्षमा देखिएका छन् ।
उनीहरु तीन जना प्रधानमन्त्री ओलीतिर देखिएपछि ९ सदस्यीय सचिवालयमा अध्यक्ष पुष्पकमल दाहाल ‘प्रचण्ड’, बरिष्ठनेताद्धय माधव नेपाल, झलनाथ खनाल र प्रवक्ता नारायणकाजी श्रेष्ठ ४ जना ओलीको राजीनामाका पक्षमा देखिएका छन् । ओलीको पक्षमा सचिवालयमा इश्वर पोखरेलसमेत ५ जना भएका छन् । प्रचण्ड–माधव नेपालको पक्षमा ४ जना भएका छन् ।
नेकपा सचिवालयको बैठक आज ५.५० मा बस्दैछ । बैशाख १७ मा ओलीले उपाध्यक्ष वामदेव गौतमलाई प्रधानमन्त्री बनाउने तुरुप फालेपछि राजनीति तरंगित भएको थियो ।
