वालेन सरकारलाई मनिष झाको प्रश्नः यस्तो बचपना देखाएर राजकाज चल्छ ?

काठमाडौं । सरकारका पछिल्ला क्रियाकलापको राष्ट्रिय स्वतन्त्र पार्टी(रास्वपा)भित्रैबाट बिरोध हुन थालेको छ । गणेश नेपालीको आत्मदाह र होल्डिङ सेन्टर डुबानमा परेपछि भएको सुकुम्बासीहरुको बिचल्लीका बिषयमा समाचार लेख्ने मिडिया हाउसको कार्यालयअगाडि सरकार संरक्षित ब्यक्तिहरुले गाडी तेर्साएको घटनापछि रास्वपाभित्रैबाट बिरोध हुन थालेको छ ।

रास्वपाका नेता तथा सांसद मनिषकुमार झाले सञ्चार गृह र अन्य स्थानमा गाडी राखेर अवरोध गर्ने काम गलत भएको बताएका छन् । उनले त्यसरी गाडी राख्नेमाथि अनुसन्धान र कारबाही गर्न माग गरेका छन् । राज्यले नागरिकको चिन्ता निराकरण गर्ने हो ।

राज्यले आफैं थप आतङ्कित बनाउने हैन झाको भनाइ छ । झाले यस्तो गर्नु बचपना हो । यस्तै स्तरहीन र गलत प्रयोग गर्न जेनजी शहादत भएको हो ?

झाले सामाजिक संजालमा लेखेका छन्–‘सञ्चार गृह र अन्य स्थानमा गाडी राखेर अवरोध गर्ने काम गलत हो । यसमा जो संलग्न छ, अनुसन्धान र कारबाही हुनुपर्छ।

राज्यले नागरिकको चिन्ता निराकरण गर्ने हो। राज्यले आफैं थप आतङ्कित बनाउने हैन । यस्तो बचपना देखाएर राजकाज चल्छ? के यस्तै स्तरहीन र गलत प्रयोग गर्न जेनजी सहादत भएको हो ?  यस किसिमको काम प्रति घोर आपत्ति छ ।’