भुटानी शरणार्थी प्रकरणः टोपबहादुर र खाँण दोषी ठहर, ७ जनालाई सफाइ

काठमाडौं । नक्कली भुटानी शरणार्थी प्रकरणमा काठमाडौं जिल्ला अदालतले एमाले नेता टोपबहादुर रायमाझी र पूर्वगृहमन्त्री बालकृष्ण खाँणलाई दोषी ठहर गरेको छ ।

उनीहरु दुबैजनालाई अदालतले राज्यविरुद्धको कसुरमा दोषी ठहर गरेको छ । उनीसहित अन्य दोषी ठहर भएका प्रतिवादीहरूको सजाय निर्धारण भने कानुनी प्रक्रियाअनुसार छुट्टै सुनुवाइबाट हुने अदालतले जनाएको छ ।

त्यसैगरी, टोपबहादुर रायमाझीका छोरा सन्दीप रायमाझी र एमाले उपाध्यक्ष रामबहादुर थापा बादलका छोरा प्रतिक थापासहित सात जनालाई अदालतले सफाइ दिएको छ ।

न्यायाधीश तेजबहादुर खड्काको इजलासले मंगलबार फैसला सुनाउँदै उनीहरूविरुद्ध लगाइएका आरोप पुष्टि हुन नसकेको निष्कर्षसहित सफाइ दिएको हो ।
सफाइ पाउने अन्यमा रामशरण केसी, टंककुमार गुरुङ, लक्ष्मी महर्जन, केशव तुलाधर र आशिष बुढाथोकी रहेका छन् ।