अमेरिका–इरान–युद्धविराम र कर घटाउँदा पनि पेट्रोलियम पदार्थमा मूल्य किन बढाइयो ?

काठमाडौं । अमेरिका–इरान युद्धबिराम भएर अन्तर्राष्ट्रिय बजारमा तेलको मूल्य घटिसक्दा पनि नेपाल आयल निगमले बिहीबार रातिदेखि पुनः पेट्रोलियम पदार्थको मूल्यबृद्धि गरेको छ ।

यसैसाता सरकारले पेट्रोलियम पदार्थमा लाग्दैआएको कर ५० प्रतिशत घटाउँदा पनि निगमले पेट्रोलदेखि खाना पकाउने एलपीजी ग्याँसको समेत भाउबृद्धि गरी उपभोक्तामाथि महंगीको भार थोपर्ने काम गरेको छ ।

निगमले पेट्रोलमा प्रतिलिटर १७ र डिजेल तथा मट्टितेलमा प्रतिलिटर २५ रुपैयाँले मूल्य बढाएको हो । निगमले बिहीबार राति १२ बजेपछि लागू हुने गरी पेट्रोलियम पदार्थको मूल्य बढाएको हो ।

निगमका अनुसार पेट्रोलमा प्रतिलिटर १७ रुपैयाँ, डिजेल र मट्टितेलमा प्रतिलिटर २५ रुपैयाँ र खाना पकाउने एलपी ग्यासमा प्रतिशिलिन्डर १०० रुपैयाँ मूल्य बढाइएको छ ।
त्यस्तै हवाई इन्धन आन्तरिकतर्फ ६ रुपैयाँ बढाइएको निगमले जनाएको छ ।

निगमले शुक्रबारदेखि लागू हुनेगरी बृद्धि गरेको नयाँ मूल्यसूची अनुसार अब काठमाडौँ उपत्यका (तेस्रो वर्ग) मा पेट्रोल २ सय १९ रुपैयाँ, डिजेल र मट्टितेल २ सय ७ रुपैयाँ, एलपी ग्यास प्रतिसिलिन्डर २ हजार १० रुपैयाँ पुगेको छ । हवाई इन्धन (आन्तरिक) २५७ रुपैयाँ प्रतिलिटर तोकिएको छ ।

यस्तो छ नयाँ मूल्यसूची