काठमाडौं, । प्रमुख प्रतिपक्षी दल नेपाली कांग्रेसका प्रमुख सचेतक बालकृष्ण खाँणले संसद वैठकमा प्रधानमन्त्रीको राजीनामा माग गरेका छन् ।
खाँडले प्रतिनिधि सभा विघटन गर्ने प्रधानमन्त्रीको कदमलाई सर्वोच्च अदालतले असंवैधानिक कदम भनेर संसद पुनर्स्थापना भइसकेपछि अब प्रधानमन्त्रीले राजीनामा दिएर नयाँ सरकार गठनका लागि मार्ग प्रशस्त गर्नुपर्ने बताएका छन् ।
उनले सरकारले नागरिकको गोपनीयता समाप्त गर्ने विधेयक ल्याएकोमा कडा आपत्ति जनाएका छन् । कोभिडको महामारीमा गम्भीर छलफल गरौं, संक्रमण रोक्न छलफल गरौं भन्दा भूमिगत शैलीमा संसदको बैठक नै अन्त्य गरेको भन्दै उनले सरकारको आलोचना गरे । उनले सरकार संविधानकै जगमा उभिएको भन्दै ओली सरकार बनेदेखि नै संविधानमाथि प्रहार भइरहेको समेत बताएका छन् ।
