लिमा अधिकारीलाई उद्योग मन्त्री बनाउने तयारी

काठमाडौं । राष्ट्रिय स्वतन्त्र पार्टी(रास्वपा)का बरिष्ठ नेता बालेन्द्र शाह नेतृत्वको सरकारमा अमरेशकुमार सिंहले अस्वीकार गरेको उद्योग, बाणिज्य तथा आपूर्ति मन्त्रीमा लिमा अधिकारीलाई नियुक्ति गर्न लागिएको छ ।

रास्वपा सम्बद्ध स्रोतका अनुसार रास्वपाकी केन्द्रीय कोषाध्यक्षसमेत रहेकी अधिकारीलाई उक्त मन्त्रालयको जिम्मेवारी दिने कुुरामा पार्टी सभापति रवि लामिछाने र प्रधानमन्त्री बालेन्द्र शाहबीच सहमति भइसकेको छ ।

ठूलो बुबा मनमोहन र बुबा भरतमोहनले अगाडि बढाएको पार्टीमा २२ वर्ष संगठित सदस्य रहेकी उनी एमालेको उद्योग विभागमा समेत थिइन् ।

एमाले विभाजन भएपछि लिमा नेकपा (एकीकृत समाजवादी)मा लागेकी थिइन् । लिमा २०७९ मंसिर ४ को चुनावमा एकीकृत समाजवादीबाट खस–आर्य महिलातर्फ समानुपातिक उम्मेदवार थिइन् । समाजवादी राष्ट्रिय पार्टी बन्न नसकेपछि उनी रास्वपा प्रवेश गरेकी थिइन् । उनी समाजसेवी तथा ब्यवसायी हुन् ।