राप्रपाका केन्द्रीय सदस्य ऋषिबाबु परियारद्वारा पार्टी परित्याग

काठमाडौँ । राष्ट्रिय प्रजातन्त्र पार्टी (राप्रपा)का केन्द्रीय सदस्य ऋषिबाबु परियारले पार्टी परित्याग गरेका छन् ।

राप्रपाले राजाको एजेन्डा लिने तर राज आज्ञा पालन नगर्ने र दलित समस्याप्रति सम्वेदनशील नभएका कारण पार्टी परित्याग गरेको परियारले उल्लेख गरेका छन् ।

समानुपातिक चार सिटमा एक जना खसआर्य र एक जना दलित मिलाउन सकिने भए पनि पार्टीले दलितलाई नसमेटेको बताएका छन् ।

उनले नैतिकताको आधारमा राप्रपाको साधारण सदस्यसमेत नरहने गरी राजीनामाको घोषणा गरेका हुन् ।

केन्द्रीय कार्यसम्पादन समिति सदस्यसमेत रहेका परियारले राप्रपामा राजनीतिक र वैचारिक स्पष्टतासमेत नरहेको बताउँदै उनले राजसंस्थालाई राजनीतिक राजसंस्था पुनस्र्थापनाको आन्दालनलाई कमजोर बनाइनु र पार्टीभित्र सच्चा देशभक्त नेता–कार्यकर्ताहरुप्रति पक्षपातपूर्ण व्यवहार गरिनु आफूले पार्टी परित्यागको कारण रहेको बताएका छन् ।