तीन दिनपछि हट्यो कपिलवस्तुको निषेधाज्ञा, मन्दिर तोडफोड गर्ने ६ जनाविरुद्ध मुद्दा दर्ता

काठमाडौं । कपिलवस्तुमा तीन दिनदेखि जारी निषेधाज्ञा मंगलबार हटाइएको छ । प्रमुख जिल्ला अधिकारी जनार्दन गौतमले जनजीवन सामान्य बन्दै गएको र सर्वपक्षीय बैठकपछि निषेधाज्ञा हटाइएको जानकारी दिए ।

गत चैत ७ गते जिल्लाको महाराजगन्ज नगरपालिका-२, बर्दगा गाउँमा दुई समुदायबिच विवाद हुँदा जिल्लाको दक्षिणी क्षेत्र अशान्त बनेको थियो ।

बर्गदा स्थित काली मन्दिरमा तोडफोड गरेको आरोपमा पक्राउ परेका ६ जनामाथि मुद्दा चलाइएको छ । स्थानीय सलमान खा पठान, मेहतान अहमद धुनिया, अब्दुल अख्तर खा, अजमत अली मुसलमान, राहत हुसेन मुसलमान, माहोम्मद हुसेन मुसलमानमाथी मुद्दा चलाइएको हो । प्रहरी नायब उपरिक्षक रिपेन्द्र कुमार सिंहले पक्राउ परेका ६ जनामाथि मुद्दा चलाएर कानुनी प्रक्रिया अघि बढाइएको बताए ।

निषेधाज्ञा हटाएसँगै महाराजगञ्ज नगरपालिका-२ वरदवा क्षेत्र सामान्य बनेको छ । मानिसहरूको चहलपहल पनि हुन थालेको प्रशासनले जनाएको छ ।