प्रधानमन्त्री ओलीले सद्दाम हुसेन जस्तो चक्रवर्ती बादशाह बनिरहने सपना देखेका छन् : डा. बाबुराम भट्टराई

काठमाडौँ। जनता समाजवादी पार्टी (जसपा) संघिय परिषद अध्यक्ष एवं पूर्वप्रधानमन्त्री डा. बाबुराम भट्टराईले प्रधानमन्त्री केपी शर्मा ओलीलाई जति सक्दो चाँडो बिदा गर्नु पर्ने बताएका छन् । 

स्वास्थ्य अवस्था कम्जोर भएको कारण देखाउदै मंगलबारको सर्वदलीय बैठकमा सहभागी नभएका पूर्वप्रधानमन्त्री भट्टराईले बुधबार एकाबिहानै यस्तो बताएका हुन् । 

अध्यक्ष भट्टराईले सामाजिक सञ्जालमार्फत् ओलीले राज्यका सबै अंग र साधन श्रोत कब्जा गरेको आरोप समेत लगाएका छन् ।

उनले ओलीलाई  सद्दाम हुसेन, पर्वेज मुसर्रफ, हुन सेनको संज्ञा दिँदै आफु चक्रवर्ती बादशाह बनिरहने सपना देखेको बताए । 

उनले लेखेका छन्,  ‘राज्यका सबै अंग र साधनश्रोत कब्जा गर्ने अनि सद्दाम हुसेन, पर्वेज मुसर्रफ, हुन सेन स्टाइलको चुनाव गराएर आफु चक्रवर्ती बादशाह बनिरहने सपनाबाट ओली पछिहट्ने कुनै छॅाटकॅाट नदेख्दा पनि उनलाई छिटो विदा गर्न र लोकतन्त्र र संविधानको रक्षा गर्न चुक्यौं भने हामी कसैलाई इतिहासले माफ गर्नेछैन है !’