निर्वाचन आयोगलाई माधव–झलनाथको आग्रहः ओलीको निर्णयलाई वैधता नदिइयोस्

काठमाडौं । एमालेका अध्यक्ष तथा प्रधानमन्त्री केपी ओलीले बालुवाटारमा बैठक राखी पदाधिकारी खारेज गर्नै र माओवादी केन्द्रबाट आएका २३ जनालाई केन्द्रीय सदस्य बनाउने निर्णय गरेपछि बरिष्ठ नेता माधव नेपाल र झलनाथ खनाल पक्ष निर्वाचन आयोगमा पुगेको छ ।

आइतबार निर्वाचन आयोगमा पुगेर एमालेको माधव–झलनाथ पक्षले अध्यक्ष केपी शर्मा ओलीले शुक्रबार एक्लौटी निर्णयलाई वैधता नदिन माग गरेको छ ।  वरिष्ठ नेता माधवकुमार नेपाल, झलनाथ खनाल, उपाध्यक्षहरु युवराज ज्ञवाली, अष्टलक्ष्मी शाक्य, भीमबहादुर रावल, भीमप्रसाद आचार्य उपमहासचिव घनश्याम भूसाललगायतका पदाधिकारी र स्थायी कमिटी सदस्यहरु निर्वाचन आयोगमा पुगेर ओलीको निर्णयलाई बैधता नदिन माग गरेका हुन् ।  

ओलीले बालुवाटारमा आफ्नो गुटका केन्द्रीय सदस्यको बैठक राखी एमालेको नवौं महाधिवेशनबाट निर्वाचित पदाधिकारीमध्ये महासचिव इश्वर पोखरेलबाहेक उपाध्यक्ष, उपमहासचिव, सचिवहरुको पद खारेज गरेका थिए । जुन बैठकमा माधव–झलनाथ पक्षका केन्द्रीय सदस्यहरुलाई खबरसमेत गरिएको थिएन ।

एमालेका नेताहरुले निर्वाचन आयोगमा बुझाएको पत्रः